Magsasaka kinatay ng kainuman
TUGUEGARAO CITY, Cagayan , Philippines – Pinagtataga hanggang sa mapatay ang 40-anyos na magsasaka ng kanyang kainuman saka itinapon sa ilog dahil sa matagal nilang hidwaan sa Barangay Duyun, bayan ng Rizal, Cagayan kamaÂkalawa.

Kinilala ni P/Chief Insp. Arthur Sto. Tomas, hepe ng Rizal PNP ang biktima na si Aldrin Talang habang naaresto naman ang suspek na si Celso Binayug, 31, kapwa nakatira sa nasabing barangay.

Ayon sa ulat, lango na sa alak ang dalawa nang magpambuno ang mga ito dahil sa naungkat nilang matagal nang away.
 Nabatid na pinagtataga ng suspek ang biktima na halos mahati na ang ilang bahagi ng katawan saka nito isinakay sa karitong hila ng kalabaw.

Dinala ng suspek ang tadtad na bangkay ng biktima may 800-metro ang layo sa kanilang bahay saka itinapon sa ilog.
Lumutang naman ang bangkay ng biktima kaya nadiskubre ng mga residente kung saan positibo namang kinilala ang suspek.
- Latest
