Trike driver dedo sa killer bus

TUGUEGARAO CITY, Cagayan, Philippines – Pisak ang katawan ng 47-anyos na tricycle driver matapos itong salpukin ng pampasaherong bus sa kahabaan ng highway ng Sitio Pideg, Magsaysay District sa bayan ng Santa, Ilocos Sur kama­kalawa.
 Kinilala ng pulisya ang namatay na si Alejandro Cabatic Jr. ng Barangay Quinarayan, bayan  ng Narvacan, Ilocos­ Sur habang naaresto naman ang bus driver na si Joseph Cagaoas Bugarin ng Barangay Nagbacalan, bayan ng Paoay, Ilocos Norte.
 Lumalabas sa imbestigasyon ng pulisya na nang-agaw ng linya ang tricycle kaya hindi naiwasan ng kasalubong na bus ang trahedya.
 Tinangkang tumakas ng driver ng bus subalit nasukol ng pulisya sa sumunod na bayan ng Narvacan.