Seaman bulagta sa tandem

TUGUEGARAO CITY, Cagayan, Philippines – Napatay ang 50-anyos na seaman matapos itong pagbabarilin ng riding-in-tandem gunmen sa Barangay Alamguer South sa bayan ng Bambang, Nueva Vizcaya kamakalawa. Nabatid na palabas sa kanyang kotse ang biktimang si Gregorio Tugis Jr. nang lapitan at ratratin ng tandem sa harapan ng kanyang bahay sa nasabing barangay. Napuruhan sa ulo ang biktimang naisugod pa sa Nueva Vizcaya Provincial Hospital subalit namatay din.