Zambales, Batangas nilindol

MANILA, Philippines - Niyanig ng lindol na may lakas na magnitude 4.0  ang silangan ng Cabangan, Zambales noong Martes ng gabi. Ayon sa Philippine Institute of Volca­nology and Seismology (Phivolcs), naramdaman ang lakas ng pagyanig na intensity 2 sa Clark, Pampanga. Naitala ang sentro ng lindol sa may 19-kilometro hilagang silangan ng Cabangan, Zambales na may 15-kilometrong lalim. Samantala, nakapagtala naman ng mahinang pagyanig sa bayan ng Don Marcelino, Davao del Sur  sa lakas na magnitude  2.3 kahapon ng madaling-araw. Gayundin, nakapagtala naman ng 2.2 magnitude na lindol sa may 7-kilometro sa hilagang silangan ng Tineg, Abra at 34 kilometrong lalim. Bandang alas-8:38 ng umaga kahapon, niyanig naman ng  magnitude 3 na lindol ang hilagang kanluran ng Calatagan, Batangas. Gayunman, wala namang naitalang naapektuhan ng mga lindol kung saan ang origin ay nagmula sa nagkiskisang tectonic plate sa ilalim ng lupa.