Maguindanao blast: Misis sugatan

MAGUINDANAO, Philippines – Magkasunod na pagsabog ang  yumanig sa Barangay Tinantao sa bayan ng Parang, Maguindanao kung saan nasugatan ang 54-anyos na misis kahapon ng umaga. Kinilala ni P/Senior Insp. Gani Miro, hepe ng Parang PNP, ang biktima na si Erlinda Bulangis ng Barangay Sarmiento. Ayon kay Miro, naganap ang unang pagsabog sa gilid ng highway na nagkataong bumabaybay ang pampasaherong van na lulan si Bulangis kasama ang apat pang sibilyan. Makalipas ang 15-minuto, sumabog din ang itinamin na bomba sa di-kalayuan. Tumangging magbigay ng pahayag si Miro kung ang nasabing pagpapasabog ay may kaugnayan sa nagaganap na kaguluhan sa Midsayap, North Cotabato.