Totoy utas sa gulpi ng kaklase

CAMARINES NORTE, Philippines  - Napatay sa gulpi ang 9-anyos na totoy ng kanyang dalawang kaklase matapos mag-agawan ng upuan sa loob ng eskuwelahan sa bayan ng Pili, Camarines Sur, ayon sa ulat. Kinilala ang biktima na si John Joseph Bruca, Grade 3 pupil sa San Jose South Elementary School habang ang dalawang nambugbog ay hindi mahagilap. Nabatid na nakipag-agawan ng upuan ang biktima sa dalawang kaklase sa nasabing school hanggang sa maganap ang panggugulpi. Huli na ng malaman ng ina ang naganap na pangyayari sa kanyang anak na nagtamo ng pasa sa iba’t ibang bahagi ng katawan kung saan naisugod ito sa ospital matapos ang apat na araw na kinakitaan ng palatandaang kritikal ang kalagayan.