Kuya inutas ng utol sa inuman

BULACAN, Philippines – Hindi na iginalang ang pagiging kuya ng 28-anyos na lalaki makaraang barilin at mapatay ng kanyang bunsong utol sa harap ng mga kainuman ng alak sa Barangay Malamig, bayan ng Bustos, Bulacan kamakalawa ng gabi. Napuruhan sa leeg ang biktimang si Eduardo Isidro habang sumuko naman sa pulisya ang suspek na si Joselito  “Jueteng” Isidro, 26, ng Barangay Camachilihan sa bayan ng Doña Remedios Trinidad, Bulacan. Base sa ulat ng pulisya, nakikipag-inuman ang suspek sa mga kaibigang sina Jhouueix Dela Cruz, Jerome Bolante, at bayaw na si Roger Domingo sa bahay ng kanyang kuya nang magtalo ang magbayaw na sina Domingo at batang Isidro. Pinayapa naman ang biktima ng magbayaw subalit minasama ng suspek kaya naganap ang pamamaril.