Bus inspector binoga sa batok

BULACAN, Philippines – Napaslang ang 52-anyos na bus inspector matapos barilin ng maskaradong lalaki sa waiting shed ng Barangay Camias, bayan ng San Miguel, Bulacan kahapon ng umaga. Kinilala ng pulisya ang biktima na si Manolito Eusebio, kawani ng RL Transit at nakatira sa Sitio San Pedro sa nabanggit na barangay. Ayon kay PO2 Merwin Mendez, nakatayo sa bisinidad ng waiting shed sa Maharlika Highway ang biktima na naghihintay ng bus ng kanyang kompanya nang lapitan sa likuran at barilin sa batok. Pinaniniwalaang may kaugnayan sa trabaho ng biktima ang naganap na pamamaslang.