1 patay, 5 grabe sa road mishap

CAVITE , Philippines   -  Isa ang nasawi habang limang iba pa ang malubhang nasugatan makaraang araruhin ng trak ang waiting shed sa bayan ng Alfonso, Cavite kamakalawa ng hapon. Kinilala ng pulisya ang nasawi na si Larry Majes­terio, kawani ng Cavite Batangas Transport Cooperative at nakatira sa Barangay Poblacion 5, Alfonso, Cavite. Kabilang sa mga sugatang biktima ay sina Roberto Boenillo ng Brgy. Lalaan 2, Silang, Cavite; Glenda Poblete ng Brgy. Palumlum sa bayan ng Alfonso; Reynaldo Odias ng Brgy. Mabuhay sa  Carmona; Leodecario Alilio ng Tagaytay City, Cavite; at si Jay Francisco, driver ng trak na nakatira sa Caloocan City. Base sa police report, nawalan ng preno ang trak ni Francisco kaya sinalpok ang waiting shed at bumangga sa isang gusali sa palengke kung saan nakatayo ang mga biktima.