COP itinumba sa birthday party
MANILA, Philippines - Pinabulagta ang hepe ng pulisya matapos itong ratratin ng security guard sa birthday party sa Barangay Calunacon sa bayan ng San Andres, Romblon kamakalawa ng gabi.
Napuruhan sa ulo ang biktimang si P/Insp. Noel Aparcio, 45, hepe ng pulisya sa nasabing bayan habang sumuko naman kinabukasan ang suspek na si Geron Bunchingan na sinasabing security guard sa pribadong ospital sa nabanggit na bayan.
Base sa police report na nakarating kay P/Senior Supt. Danilo Abadiano, Romblon PNP director, lumilitaw na naimbitahan ng kaibigan sa birthday party ang biktima at suspek kung saan nagkausap pa ang dalawa.
Gayon pa man nang malango sa alak ang suspek ay nagpaalam ito kay Aparcio subalit makalipas ang dalawang oras ay muÂling bumalik saka binaril ang biktima.
Walang malinaw na motibo ang suspek sa pagkakapatay sa biktima habang patuloy naman ang imbestigasyon.
- Latest
