Trader nag-suicide

NUEVA ECIJA, Philippines – Isang 44-anyos na negosyante ang iniulat na nagpakamatay makaraang magbigti sa loob ng silid nito sa kanilang tahanan sa Brgy. San Joseph, Sta Rosa ng lalawigang ito kamakalawa ng umaga.

Kinilala ng pulisya ang  biktima na si Antonio Santiago 44, hiwalay sa asawa at residente ng naturang barangay.

Bandang  alas-10:40 ng umaga noong Biyernes nang madiskubre ng anak ng biktima na si Jonar Santiago ang pagpapatiwakal ng ama na nakabigti ng lubid sa kisame sa loob ng silid nito.

Nabatid sa pagsisiyasat ng pulisya na uminom pa umano ng apat na beer ang biktima bago ito nagpakamatay makaraang makuha malapit sa crime scene ang 3 bote ng Colt 45 at 1 bote ng Red Horse.

Ayon pa sa pulisya, walong suicide notes ang  iniwan ng biktima sa kaniyang pamilya na ginawa nito habang umiinom ng serbesa.