15-anyos grinipuhan ng kalaro

QUEZON, Philippines – Kasalukuyang nakikipaglaban kay kamatayan ang 15-anyos na lalaki matapos na saksakin ng kapitbahay na 17-anyos dahil sa panghuhubo kamakalawa ng hapon sa Barangay Sta. Rosa, bayan ng Mulanay, Quezon. Pansamantalang itinago sa pangalang Mark Joseph ang biktima na nagtamo ng malalim na sugat sa katawan habang nasa pangangalaga naman ng lokal na sangay ng Department of Social Welfare and Development ang suspek na itinago rin sa pangalang Jason. Sa imbestigasyon ng Womens and Children Desk Section, dakong alas-2-30 ng hapon ay namataan ang dalawa na  nagkatuwaang naglaro ng habulan hanggang sa hubuin ng biktima ang suot na short ng suspek. Napahiya ang suspek nang kantyawan ito ng ibang kalaro hanggang sa umuwi at nang bumalik sinaksak ang biktima.