Tuition fee hike di’ na maipatutupad
MANILA, Philippines - Hindi maipatutupad ng Commission on Higher Education (CHED) ang mga petisyon para sa tuition fee increase sa mga paaralan kung hindi ito papasa sa gagawing konsultasyon ng ahensiya sa mga stakeholÂders tulad ng mga alumni at mismong ng mga estudÂyante ng isang paaralan.
Ito ang nilinaw kahapon ni CHED Exec. Dir. Julito Vitriolo kaugnay ng mga petisyon na naisampa sa kanyang tanggapan ng ilang mga paaralan sa kolehiyo na nais na magtaas ng matrikula sa susunod na pasukan.
Ayon kay Vitriolo, sa susunod na buwan ng Abril ay agad nilang ipoproseso ang lahat ng mga application para sa tuition fee increase at sa buwan ng Mayo naman ay ipalalabas nila ang desisyon kung anu-anong unibersidad at kolehiyo ang papayagang magtaas ng matrikula.
Bago maipalabas ang desisyon, titiyakin nilang dumaan sa konsultasyon sa mga alumni at mag aaral ang naturang tuition hike petition.
- Latest
