Indian trader utas sa holdaper

MANILA, Philippines - Napatay ang negosyanteng Bumbay matapos na pagbabarilin ng dalawang armadong holdaper sa Barangay VI-E, San Pablo City, Laguna kamakalawa ng gabi. Idineklarang sa ospital matapos tamaan ng bala ng baril sa dibdib ang biktimang si Sonil Singh ng City Subdivision, IB sa nasabing lungsod. Nabatid na naglalakad sa loob ng Barleta Subd. ang biktima matapos na mangolekta sa negosyo nitong 5-6 na pautang nang harangin ng dalawang armadong lalaki. Nagdeklara ng holdap ang dalawa pero nanlaban ang biktima na tumangging ibigay ang pitaka nito na naglalaman ng malaking halaga mula sa kaniyang negosyong money lending. Nairita ang dalawa na agad namang pinagbabaril ang biktima at pagbagsak nito sa lupa ay puwersahang tinangay ang wallet nito, alahas at cell phone.