Baguio blast: 3 BCVAC sugatan
BAGUIO CITY , Philippines — Tatlo-Âkatao ang malubhang suÂgatan matapos sumabog ang granada sa basement ng Melvin Jones Grandstand sa Burnham Park, Baguio City kung saan idinaraos ang Panagbenga Flower Festival kahapon ng umagaÂ.
Kinilala ni Baguio City PNP director P/Senior Supt.Jesus Cambay Jr. ang mga sugatan na sina Joseph Espada, 49; Gilbert Salvador, 29; at si Gerard Palomique, 33, na nagtamo ng tama ng sharpnel sa iba’t ibang bahagi ng katawan kung saan naisugod sa Baguio General Hospital and MeÂdical Center.
Nabatid na may nagÂhagis ng granada sa office ng Baguio City Volunteers Against Crime (BCVAC) kung saan ang tatlo ay abala sa pagsasaayos ng mga gagamitin sa flower float parade.
Isa sa tatlong tinamaan ng shrapnel ay tinangkang habulin ang naghagis ng granada subalit nakihaÂlubilo sa mga nanonood ng parade.
Ayon sa BCVAC volunÂteers, ang suspek ay pinaÂniniwalaang isa sa mandurukot na naunang nasakote ng grupo matapos makapambiktima kung saan sinaÂsabing paghihiganti ang motibo.
Naniniwala si Cordillera PNP director P/Chief Supt. Benjamin Magalong na ang suspek ay rumesbak lamang dahil sa pakikipagtulungan ng mga miyembro ng BCVAC sa pulisya laban sa street criminals.
- Latest
