4 NPA tumba sa bakbakan
SANTIAGO CITY, Isabela, Philippines – Apat na rebeldeng New People’s Army (NPA) ang iniulat na napatay makaraang makasagupa ang tropa ng militar sa masukal na bahagi ng Brgy. Langilang, Abra ayon sa ulat kahapon. Ayon kay Col. Loreto Magundayao, hepe ng civil-military operations battalion ng 5th Infantry Division sa bayan ng Gamu, Isabela, mismong mga residente ang nakakita sa mga rebelde na bitbit ang apat nilang kadre na nasawi habang papatakas matapos ang madugong sagupaan. Naganap ang sagupaan sa pagitan ng tropa ni 1Lt. Ronnel Legarde ng 41st Infantry Battalion at grupo ng Kilusang Larangang Gerilya na kumikilos sa Abra. Narekober ng mga sundalo ang isang M16 rifle, handheld radio, mga kitchen utensils at iba pang subersibong dokumento.
- Latest
