Mag-asawang kawatan, tiklo

LUCENA CITY, Quezon, Philippines - Kulungan ang binagsakan ng mag-asawa matapos na maaktuhang nagnanakaw ng mga sasabunging manok sa bahagi ng Purok Masaya, Barangay Gulang-gulang sa Lucena City, Quezon kamakalawa ng umaga. Pornal na kinasuhan ng pulisya ang mag-asawang suspek na sina Jomar Punzalan, 27; at Doris Lanuza, 18. Sa imbestigasyon ng pulisya, dakong alas-5 ng umaga nang maaktuhan ni Lorenzito Rondilla ang mag-asawa na ninanakaw ang kanyang mga alagang sasabunging manok. Agad na ipinaaresto ni Rondilla ang mag-asawa sa mga nagrorondang barangay tanod.