2 holdaper utas sa shootout

CAVITE , Philippines - Napatay ang dalawang lalaki na sinasa­bing holdaper matapos makipagbarilan sa mga operatiba ng pulisya sa bahagi ng Pa­lanas Road, Barangay Buhay na Tubig sa Imus City, Cavite kahapon ng madaling-araw. Isa sa napatay ay nakilalang si Erman John Collantes ng Block 2, Lot 21, Hyacinth Road, Molino Park, Bacoor City, Cavite habang inaalam pa ang pagkakakilanlan ng kasama nito. Lumilitaw na lulan ng motorsiklo ang da­lawa nang mapadaan sa checkpoint na binabantayan ng mga pulis. Imbes na huminto para sa inspection ay pinaharurot nito ang motorsiklo kaya hinabol sila ng ilang pulisya na humantong sa shootout. Narekober ng pulisya ang dalawang baril, mga bala at motorsiklo.