Trader tiklo sa 2 baril
BULACAN, Philippines – Kalaboso ang binagsakan ng 31-anyos na negosyanteng lalaki matapos makumpiskahan ng dalawang baril na ibinebenta sa isinagawang operasyon ng pulisya sa Barangay Tikay sa Malolos City, Bulacan kamakalawa ng gabi. Hindi na nakapalag sa mga pulis ang suspek na si Mark Marie Murriel, 31, ng Media Homes, Brgy. Tiaong sa bayan ng Guiguinto, Bulacan. Base sa ulat sa police report na nakarating kay P/Senior Supt. Joel Orduña, naaresto ang suspek sa inilatag na operasyon sa isang gasolinahan sa nabanggit na barangay. Nasamsam sa suspek ang dalawang baril na sinasabing walang kaukulang papeles.
- Latest
- Trending
















