BULACAN, Philippines – Pinaniniwalang onsehan sa bentahan ng bawal na gamot ang isa sa motibo kaya pinagbabaril hanggang sa mapatay ang 42-anyos na mister sa San Jose Del Monte City, Bulacan kahapon. Apat na tama ng bala sa iba’t ibang katawan ang tumapos sa buhay ni Salvador “Badong” Matienzo ng Towerville 6, Brgy. Gaya-Gaya sa nasabing lungsod. Sa imbestigasyon ni PO2 Dwight Danao, papauwi na ang biktima nang harangin at ratratin ng ’di-kilalang lalaki. Samantala, kinumpirma naman ng asawa nitong si Analiza Matienzo na dalawang beses ng pumasok sa drug rehabilitation center ang kanyang asawa noong 2008. Narekober ang celpone ng biktima at nakalagay dito ang transaksyon kaugnay sa bentahan ng droga kung saan nagkakahalaga ng P50,000 na sinasabing ibinulsa nito ang pera.