BULACAN , Philippines – Dahil sa pagtugon sa tungkulin bilang alagad ng batas ay napatay ang 46-anyos na pulis makaraang ratratin ng riding-in-tandem sa bahagi ng Barangay Tambubong sa bayan ng San Rafael, Bulacan kamakalawa ng gabi. Napuruhan sa mukha at tagiliran ang biktimang si SPO1 Rafael Bartolome, nakatalaga sa Criminal Investigation and Detection Group-Bulacan at sinasabing malapit na kaibigan ni San Rafael Vice Mayor Cipriano “Goto” Violago Jr. Base sa imbestigasyon, rumesponde ang biktima sa bahay ng kanyang kaibigan sa Lapid’s Ville Subd. matapos huminggi ng tulong sa kanya. Dito na pinagbabaril ng tandem ang biktima na nakikipag-usap sa ilang kaibigan.