Driver nakaladkad ng van, pisak

MANILA, Philippines - Humantong sa trahedya­ ang pa­kikipagka­­rera ng­ driver ng motorsiklo matapos itong humagis sa kalsada at nagulungan pa ng van sa kahabaan ng national highway sa ba­yan ng Tubay, Agusan del Norte kamakalawa ng gabi. Base sa imbestigasyon, bandang alas-8:30 ng gabi nang makipagkarera ang biktimang di-kilalang lalaki sa dalawang kasunod na motorsiklo. Sa sobrang bilis ng motorsiklo na patungong Cabadbaran City ay sumemplang ang biktima kung saan bumagsak sa sementadong kalsada at nagulungan at nakaladkad pa ng Hyundai Starex van (KET 432 ) ni Rey Ebarle Sabuga-a, 36, ng Butuan City. Nagawa pang maisugod sa Cabadbaran Emergency Hospital ang biktima pero idineklarang patay.