Hijacker todas sa shootout
MANILA, Philippines - Kamatayan ang sumalubong sa isang miyembro ng hijacking group matapos makipagbarilan sa mga operatiba ng pulisya habang dalawa naman nitong kasamahan ang nadakip sa bisinidad ng Barangay Coronan sa bayan ng Sta. Cruz, Davao del Sur kamakalawa ng madaling-araw .
Kinilala ang napatay na hijacker na si Dioscoro Omang habang nasakote naman mag-utol na sina Almar “Curoy” Conde, 19; at George Conde, 27.
Sa ulat na nakarating sa Camp Crame, ang tatlo ay kabilang sa anim na armadong kalalakihan na nang-hijack sa 10-wheeler Fuzo truck na naglalaman ng 520 sako ng bigas sa Barangay Tagabuli ng nasabing bayan.
Narekober naman ang anim na basyo ng cartridge ng cal. 9mm pistol, tatlong cartridge ng cal. 22 pistol at isang cal.357 Smith and Wesson revolver na may apat na bala at apat ring basyo ng cartridge.
- Latest
- Trending
