SAN JOSE CITY, Nueva Ecija ,Philippines – Pinagbabaril hanggang sa mapatay ng isang maskaradong salarin ang isang 27-anyos na tricycle driver habang tinamaan naman ng ligaw na bala ang 1-taong gulang na anak nitong babae sa kanilang tahanan sa Zone 1, Barangay Sto. Tomas, dito, kamakalawa ng gabi.
Kinilala ng pulisya ang biktima na si Richmond Cortes, na idineklarang dead-on-arrival sa San Jose City General Hospital, habang ginagamot pa ang anak nitong si Rhyanna Cortez, sa isang pagamutan sa Cabanatuan City, matapos na tamaan ng bala sa kanyang kanang braso.
Bandang alas-8 ng gabi, ilang minuto makaraang dumating sa kanilang bahay galing sa pagsundo sa biyenang babae nito ay isang naka-maskarang lalaki ang biglang dumating at ilang beses na pinagbabaril ang biktima.
Ayon sa live-in partner ng biktima, nakilalang si Maricar dela Cruz, sa bilis ng pangyayari ay hindi nila nakilala ng kanyang ina ang maskaradong suspek.
Inaalam pa rin ng pulisya ang motibo sa pamamaslang.