MANILA, Philippines - Nagbuwis ng buhay ang isang pulis na rumesponde sa kaguluhan matapos pagbabarilin ng tatlong di-kilalang kalalakihan sa Barangay Puerto, Cagayan de Oro City, Misamis Oriental noong Martes ng gabi. Kinilala ang napaslang na si PO3 Quirino Portallo PNP station 6. Sa police report, lumilitaw na rumesponde ang biktima matapos makatanggap ng ulat kaugnay sa panggugulo ng 3-armadong kalalakihan. Nang makarating sa Purok 6 sa Sayre Highway ang biktima ay mabilis na niratrat ng mga armadong lalaki.