9-anyos nene ni-rape slay

CAMP SIMEON OLA, Legazpi City, Philippines — Isang 9-anyos na nene ang iniulat na hinalay muna saka pinatay ng isang magsasaka sa liblib na bahagi ng Barangay Igang, Masbate City, Masbate, ayon sa ulat ng pulisya. Bandang alas-5 ng umaga nang matag­puan ang bangkay ni Mayen Antonio, Grade 1 pupil sa Igang Elemantary School habang nasakote naman ang suspek na si Allan Natural, 34, kapwa nakatira sa nasabing barangay. Lumilitaw na una ng iniulat na nawawala ang biktima noong Oktubre 5 kung saan huling nakitang naglalaro sa barangay plaza kasama ang mga kaklase. Ilang saksi ang nagsabi sa pulisya na hinikayat ng suspek ang biktima na sumama sa hindi tinukoy na lugar kung saan kinabukasan natagpuan ang bangkay ng biktima na tadtad ng saksak sa katawan at walang saplot sa ibabang bahagi ng katawan.