3 kawatan ng bike, tiklo

BULACAN , Philippines — Tatlong kalalakihan na naaktuhang kinakarnap ang isang motorsiklo ang naaresto ng pulisya sa Barangay Minuyan Proper, San Jose Del Monte City, Bulacan kamakalawa. Kinilala ni P/Senior Supt. Fernando Mendez Jr. ang mga suspek na sina Marco Poral, 22, ng Villa Angelita; Albert Manuevo, 22, ng Maligaya Park Subd., at si Bhelmar Bawaan, 22, ng Brgy. Bagong Silang, Caloocan City. Ayon sa ulat, ang mga suspek ay naaktuhang hinoldap ang biktimang si Arnel Cinong ng Sapang Palay kung saan aktong tatangayin din ang motorsiklo nito. Gayon pa man, namataan ng ilang traffic enforcer ang nagaganap na insidente kaya kaagad na sumaklolo. Nasamsam sa mga suspek ang isang baril, ilang gamit ng biktima at ang motorsiklo.