Koreano inutas sa beach resort

CAVITE, Philippines – Napaslang ang isang 57-anyos na Koreano matapos ratratin ng ‘di-kilalang lalaki sa beach resort sa bayan ng Ternate, Cavite kamakalawa ng gabi. Idineklarang patay sa San Lorenzo Ruiz Hospital si Kim Young Dal ng Barangay Sapang 1 sa nasabing bayan. Sa ulat ni PO3 Jude Baligod, lumilitaw na nakikipag-usap ang biktima sa kanyang asawa sa cell phone nang ratratin sa harap ng kanyang resthouse sa Caysubic Beach Resort sa Puerto Azul. Blanko ang pulisya sa motibo ng pamamaslang.