TUBA, Benguet, Philippines – Kamatayan ang sumalubong sa mag-ama na nakuryente habang ginagawa ang kanilang pampasaherong jeepney sa bayan ng Tuba, Benguet kamakalawa ng umaga. Naisugod pa sa Baguio General Hospital and Medical Center subalit idineklarang patay sina Salvador Boado, 42; at Kenny Boado, 23. Sa salaysay ng isa sa anak na si Evander, namataan niya ang ama sa ilalim ng kanilang jeepney na sinasabing nagre-rapair kung saan ilang minuto ang nakalipas ay nagkikisay ang matanda kaya huminggi ito ng saklolo kay Kenny. Maging si Kenny ay bumagsak at nakuryente matapos hilahin ang kanyang ama mula sa ilalim ng jeepney kung saan sinaklolohan naman ng kanilang kapitbahay. Ayon sa ulat, gumamit ng extension wire ang matandang Boado para mag-repair ng kanilang jeepney habang bumubuhos ang malakas na ulan.