3 utas sa ambus ng Sayyaf

MANILA, Philippines - Tatlo-katao ang iniulat na nasawi habang da­lawa pa ang nasugatan makaraang ratratin ng mga bandidong Abu Sayyaf ang convoy ng construction company sa kahabaan ng highway ng Barangay Datal Biao sa bayan ng Tampakan, South Cotabato noong Biyernes ng hapon.

Kabilang sa mga nasawi ay sina Ocias Panisana, driver; Nelson Parakan at Rommel Vega na kapwa pahinante habang sugatan ang isa sa dalawa na si Elmer Magdula.

Base sa report ni Lt. Col. Joel Alejandro Nacnac, commanding officer ng Army’s 27th Infantry Battalion, bumabagtas ang convoy ng dump truck ng Eve Construction Company na pag-aari ni Tampakan Mayor Leonardo Escobillo nang tambangan dakong ala-1:30 ng hapon.

Nagpapatuloy naman ang hot pursuit operation ng mga elemento ng pulisya at militar laban  sa mga grupo ng mga bandido.