Mister nagselos sa misis, nagbigti
MANILA, Philippines - Pinaniniwalaang matinding selos sa kaniyang misis na Pinay, nagbigti ang isang 45-anyos na Kano sa loob ng kanilang tahanan sa Barangay Sta. Cruz, Koronadal City, South Cotabato.
Lawit ang dila, luwa ang mata at nangingitim na ang bangkay ni James Delaney nang madiskubre sa loob ng bahay sa Lot 42, Block 3, Purok Happy Living sa nabanggit na barangay.
Base sa imbestigasyon, nagkasagutan ang mag-asawa kaugnay sa namumuong selos noong Sabado ng gabi kaya umalis ang misis at isinama ang kanyang anak.
Gayon pa man nang bumalik ang mag-ina ay nakasarado ang pintuan ng bahay at nagkulong sa kuwarto ang biktima at bunga nito ay napilitan humingi ng tulong sa kanilang kapitbahay para buksan ang pintuan.
Kasunod nito ay bumulaga ang nakabiting katawan ng biktima.
- Latest
- Trending
