BAYOMBONG, Nueva Vizcaya, Philippines – Umaabot na sa100-katao ang inaresto ng mga awtoridad matapos ipatupad ang pagbabawal na paninigarilyo sa anumang pampublikong lugar sa Nueva Vizcaya.
Ayon sa pulisya, karamihan sa mga nadakip laban sa ipinasang anti-smoking ordinance ng provincial government ay mula sa mga bayan ng Solano, Bayombong at Bambang.
Ipinatupad ang “Smoke-Free Ordinance ng Nueva Vizcaya,” noong Martes (Nob. 23) sa pangunguna ng provincial government, PNP, Department of Health, iba’t ibang ahensiya ng lokal na pamahalaan at pribadong sector.
“There’s no one exempted here. We are serious in our campaign against smoking in public. Even I myself and the vice governor, we are not exempted from the ban,” pahayag ni Gov. Luisa Lloren Cuaresma.
Nakasaad sa nasabing ordinansa na bawal ang paninigarilyo sa lahat ng pampublikong lugar maliban lamang sa mga ilang smoking areas kung saan ang sinuman na mahuhuli ay magbabayad ng P1,500 (1st offense), P2,500 (2nd offense) at P5,000 para naman sa 3rd offense.
“Perhaps, we are the only government unit in the country which is serious in implementing a ban on smoking in public places, which already a national law for years,” pahayag naman ni Vice Gov. Jose Gambito.
Ayon sa ilang kawani ng Nueva Vizcaya, malaking tulong ang ordinansa matapos mapansin na ilan sa kanila ay nakakaiwas ng paninigarilyo lalo na sa oras ng trabaho.