Magka-live-in utas sa flashflood

MANILA, Philippines - Nilamon ng ilog ang magka-live-in matapos na tangayin ng tubig-baha ang kanilang sasakyan habang tumatawid sa Buayahan Spillway ng Okoy River, sa bayan ng Valencia, Negros Occidental kamakalawa ng madaling-araw. Sa phone interview, kinilala ni P/Senior Supt. Rey Lyndon Lawas, ang dalawa na sina  Russel Harvey, 66; at Genera Laguras-Cua, 56, kapwa nakatira sa Sitio Ilihan, Barangay Cambucad. Nabatid na lulan ng Izusu multicab pick-up type ang dalawa nang tangkaing tumawid sa Buayahan Spillway. Dito na rumagasa ang malakas na agos kung saan tinangka ng ilang residente na hagisan ng lubid ang dalawa pero unti-unting lumubog ang multicab. Narekober ng search and rescue team ang bangkay ni Cua sa karagatan ng Sibulan, Dumaguete City habang sumunod namang natagpuan ang bangkay ng Kano.