2 utas sa salpukan ng motorbike

 – Dalawa-katao ang iniulat na nasawi sa naganap na magkahiwalay na salpukan ng motorsiklo sa Kidapawan City, North Cotabato, kamaka­lawa ng gabi. Idineklarang patay sa Kidapawan Doctors Hospital si Wilfredo Dait Balanay ng Barangay Libertad sa bayan ng Makilala. Ayon sa ulat, sumalpok ang motorsiklo ni Balanay sa motorsiklo ni Jay Into sa highway ng Barangay Singao sa Kidapawan City. Sugatan naman ang kaangkas ni Into na sina Dodong Maway, 34; at Jim Into, 17.

Samantala, kumpirmadong namatay sa Southern Phils. Medical Center sa Davao City si Roel Cervantes Edanio matapos sumalpok ang kanyang motorsiklo sa motorsiklo ni Rufino Posadas Ortiz sa crossing ng Ba­rangay Balindog. Habang ginagamot naman si Or­tiz sa nabanggit na ospital.