16-anyos na dalagita, kinatay si Inay at Itay

MANILA, Philippines - Mistulang sinapian ng masamang espiritu ang isang 16-anyos na dalagita matapos nitong paslangin sa saksak ang kaniyang mga magulang habang su­gatan naman ang kani­yang kapatid na batang babae sa kanilang bahay sa Tupi, South Cotabato kaha­pon ng madaling araw.

Idineklarang dead on arrival sa pagamutan ang mag-asawang sina Ronilo Castro­mayor, 46 at misis nitong si Henarlie, 43; ka­pwa residente ng Sitio Maunlad, Brgy. Balol­mala, Tupi ng lalawigang ito.

Patuloy namang nilala­patan ng lunas sa paga­mutan ang anak nilang si Nita, 12 anyos.

Isinailalim naman sa kus­todya ng pulisya ang me­nor de edad na suspect na itinago sa pangalang Rosalie.

Sa report na nakarating kahapon sa Camp Crame, naganap ang insidente sa loob ng tahanan ng mag-anak sa nasabing lugar bandang alas-2 ng ma­daling araw.

Sa pahayag sa pulisya, naalimpungatan ang mga kapitbahay sa malalakas na sigawan buhat sa bahay ng pamilya Castromayor bunga ng mainitang pagta­talo sa pagitan ng mag-asawa at ng suspek.

Nabatid na napagalitan ng mag-asawa ang suspek dahi­lan masyadong mati­gas ang ulo nito na mahilig gumimik. Lumalabas sa imbestigasyon   na binanta­yan ng suspect na maka­tulog ang kanyang mga ma­gu­lang saka doon niya inundayan ng sunud-su­nod na saksak ang mga ito.

Hindi umano pinansin ng mga kapitbahay ang palahaw ng nakababatang kapatid ng suspek sa pag-aakalang away pamilya lamang ito.

Kinabukasan ay nadis­kubre ang krimen matapos na isang kapitbahay ng pamilya ang nagtungo sa bahay ng mga ito at dito’y nabungaran ang duguang mag-asawa na pawang tadtad ng mga saksak sa katawan gayundin ang nakababatang kapatid ng suspek.

Nagsasagawa na ng follow-up investigation ang mga awtoridad sa kasong ito.