3 sundalo utas sa Sayyaf

MANILA, Philippines - Tatlong sundalo ng Phil. Army ang iniulat na napaslang makaraang tambangan ng mga bandidong Abu Sayyaf Group sa liblib na Sitio Puno Limbonge, Barangay Lebbung sa bayan ng Tipo-Tipo, Basilan ka­ hapon ng umaga. Pansamantalang hindi muna tinukoy ang mga pangalan ng tatlong sundalo dahil kailangan pang impormahan ang kani-kanilang pamilya. Batay sa ulat na tinanggap kahapon ni Lt. Gen. Ben Mohammad Dolorfino, nagsasagawa ng security patrol ang tropa ng militar kabilang ang tatlo nang ratratin ng mga bandido.