Grade 6 pupil ginulpi ng guro

BULACAN, Philippines — Nala­lagay sa balag ng alanga­ning masibak sa puwesto at makulong ang isang guro at punong-guro ma­ka­­­ra­ang ireklamo ng es­tud­yante kaugnay sa pambu­bugbog sa loob ng klas­rum sa Barangay Camias sa bayan ng San Miguel, Bulacan, ayon sa ulat ka­hapon.

Kinilala ang inirekla­mong sina Crispin Balino ng San Miguel North Central School at ang punong- guro na si Placido Carlos.

Batay sa reklamo ni Perlita Laureano, ina ng Grade six pupil, sinaktan ni Balino ang kanyang anak matapos malaman na ka­bilang ito sa apat na mag-aaral na nagharutan may ilang araw na ang naka­lipas. Sinasabing sinuntok sa braso at sikmura ni Balino ang bata kung saan pinitsarahan saka isinalya at tinadyakan kaya nag­reklamo naman ang ina sa punong-guro na si Placido Carlos.

Subalit imbes na pata­wan ng parusa si Balino ay pinagtakpan pa ni Carlos ang ginawa ng guro kung saan ininsulto ang ina ng bata.

Tumanggi namang mag­­­­bigay ng pahayag sa harap ng camera si Carlos kung saan galit na binali­ngan ang mga mama­ma­hayag.

Kasunod nito, nakatak­da naman ireklamo ng mga mamamahayag si Carlos sa pamunuan ng Department of Education dahil sa pagka-arogante nito.