Ginang hinalay bago pinatay

BUENAVISTA, Quezon, Philippines — Isang ginang ang hinihi­nalang hinalay saka pina­tay ang natagpuan hindi kalayuan sa tahanan nito sa bayang ito kamakalawa.

Ang biktima ay nakila­lang si Gina Banquillo, 36- anyos at nakatira sa Ba­rangay San Vicente ng bayang ito.

Ayon kay PO3 Eugenio Antes Jr., dakong alas-3:00 ng hapon ng matagpuan ang biktima ng kapatid nitong si Ma. Charity may ilang metro sa kanilang bahay na tadtad ng saksak sa iba’t ibang parte ng ka­tawan.

May hinala ang mga aw­toridad na ginahasa muna ito ng hindi nakila­lang suspect bago pinatay dahil walang saplot ang bang­kay ng biktima ng makita ito ng kanyang kapatid.

Natagpuan din ng mga awtoridad ang isang gulok na posibleng ginamit sa pagpatay sa biktima sa tabi nito.