Marahas na demolisyon kinondena

SUBIC BAY FREEPORT, Philippines – Nagsama-samang kinon­dena ng mga kawani, ma­gulang at mga mag-aaral ang marahas na demolisyon ng isang kolehiyo sa Subic Bay Metropolitan Authority (SBMA) at Ayala Land, Inc. (ALI), noong Sabado ng umaga.

Sa kilos-protesta na gina­nap noong Linggo ng umaga sa harap ng ginibang gusali ng eskwelahan, kinondena ni Ans­bert Joaquin, deputy ad­mi­nistrator ng Comteq Com­puter and Business College ang mga opisyal ng SBMA sa pag­payag na wasakin ng Ayala Land ang mga gusaling naka­paloob pa sa balidong kontrata upang makapagsi­mula na ang proyekto na ita­tayong mall.

“Hindi lang ito kaso ng ilegal demolition sa bahagi ng Ayala Land. Kaso ito ng ku­rapsyon sa SBMA dahil pina­ya­gan nila ang Ayala Land na sirain ang gusali na legally ay amin,” pahayag ni Joaquin.

Nabatid na ipagpapatuloy ang demolisyon sa Linggo, kung saan ang mga opisyal ng eskwelahan ay walang ka­kayahang kumuha ng tempo­rary restraining order (TRO) mula sa korte.

“Ang ipinagtataka namin ay kung bakit pinayagan ng pamunuan ng SBMA ang demolisyon, samantalang tiwala kaming nakikipag-usap sa kanila ang kinauukulan para sa matiwasay na paglipat sa ibang lokasyon,” dagdag pa ni Joaquin. Gayon pa man, sinabi ni Joaquin na patuloy na maninindigan ang adminis­trasyon ng kanyang eskwela­han na labanan ang pag-aabuso ng mga opisyal ng SBMA hinggil sa isyu na ito.

Aabot sa 500 estudyante ang kasalukuyang naka-enroll sa Comteq na posibleng ma­hinto sa pag-aaral kung ipag­papatuloy ang demolisyon.