Pusher na taga-Maynila, tiklo sa drug buy-bust ops sa Bicol
STA.ELENA, Camarines Norte, Philippines — Walang kawala sa mga pulis ng bayang ito ang isang drug personality ng Tondo, Maynila matapos maaresto sa inilatag na buy-bust operation sa Purok-9, Brgy. Poblacion, kamakalawa ng madaling araw.
Nahaharap sa kasong paglabag sa comprehensive dangerous drugs act of 2002 at walang piyansang inirekomenda matapos na makuhanan ng shabu na higit P600,000 halaga ang suspek na kinilalang si alyas “Adam”, 34, tubong Balabak, Pikit, Cotabato at kasalukuyang naninirahan na sa Tondo, Maynila.
Sa ulat,alas-3:15 ng madaling araw katuwang ang Provincial Drug Enforcement Unit at Provincial Intelligence Unit ay inilatag ng Sta.Elena Police ang drug bust operation laban kay Adam na pumayag na gawin ang transaksyon sa naturang lugar.
Hindi na ito nakapalag matapos arestuhin ng mga pulis makaraang iabot sa poseur buyer ang biniling droga at nabawi ang dalawang malaking plastic sachet na may lamang shabu na tumitimbang ng 100-gramo at nagkakahalaga ng P680,000.
- Latest
