Mall gumuho: 5 katao dedo, 6 grabe

MANILA, Philippines - Malagim na kamatayan ang sinapit ng limang obre­ro habang anim iba pa ang malubhang nasugatan ma­ka­raang gumuho ang pa­der ng gusali ng mall sa Ba­rangay Tisa, Cebu City, Cebu kahapon ng mada­ling-araw.

Kabilang sa mga nasawi ay sina Lyndon Melendrez, Arjel Ceniza, Teodulfo De­tu­mal at ang magkapatid na Christian at Donnie Dilan.

Patuloy namang gina­gamot sa Cebu City Medical Center ang mga suga­tang sina Roel Pasaje, 26; Arnel Pacible, 23; Joey Manceras, 36; Ricardo Villegas, 27; Noel Lucero, 23; at si Jerome Sios-e, 19.

Ang mga biktimang mang­­gagawa ng CYC Cons­truc­tion, ay gu­ma­gawa sa gu­sali ng Gaisano Capital sa F. Llamas St., Brgy. Tisa kung saan gu­muho ang itinatayong pa­der sa ikatlong palapag ng shopping mall.

Kasalukuyang nama­ma­hinga ang mga biktima para kumain nang gumuho ang tinatapos na konstruk­siyon ng gusali ng mall.

Sa pahayag ng mga ka­samahang obrero na kasa­lukuyan silang abala sa pagtatrabaho sa ground floor nang makarinig ng ma­lakas na ugong at kasu­nod nito ay ang pag­guho ng pader kasama ang kani­lang mga biktima na nahu­log mula sa ikatlong palapag.

Kaugnay nito, pansa­man­talang ipinatigil ng mga opisyal ng local na pama­haan ng Cebu City ang kontruksyon ng gusali ha­bang patuloy ang imbesti­gasyon.