Ambush: Mayoralty bet sugatan

MANILA, Philippines - Isang  mayoralty bet ng Liberal Party ang iniulat na nasugatan makaraang tambangan ng mga armadong lalaki sa kahabaan ng Maharlika Highway sa Lucena City, Quezon kamakalawa ng gabi. Kinilala ang biktima na si Liberal Party mayoral bet Apolinar Martinez na nagtamo ng tama ng bala ng baril sa likurang bahagi at kasalukuyang bise alkalde sa bayan ng Pagbilao, Quezon. Sa police report na nakarating sa Camp Crame, pauwi na ang biktima lulan ng government vehicle nang harangin at ratratin ng armadong lalaki. Nagawa pang magmaneho ng biktima hanggang sa makarating sa police detachment sa panulukan ng Diversion Road at Gulang-Gulang road. Pinaniniwala­ang may kinalaman sa pulitika ang naganap na pana­nambang. Joy Cantos