BULACAN , Philippines — Pitong kalalakihan na sinasabing notoryus na drug pusher ang naaresto ng mga awtoridad sa isinagawang drug bust operation sa shabu tiangge sa Barangay Pleasant Hills sa San Jose Del Monte City, Bulacan kahapon. Kabilang sa mga naaresto ay sina Francisco Chua ng Pabahay 2000, Brgy. Muzon; Benjamin Pauquin ng Brgy. Maharlika, San Jose Del Monte; Baya Rascal, tubong Lanao Del Norte; Rogelio Sabas, Sonny Sabas, Christian Tabalanza at si Conrado Esteban na pawang nakatira sa Brgy.Tala, Caloocan City. Napag-alamang sinalakay ng mga tauhan ng PDEA, at kapulisan ang shabu tiangge na sinasabing may mga CCTV camera sa magkabilang tabi.
Nagkaroon ng ilang minutong putukan bago naaresto ang mga suspek habang ang isa naman ay naisugod sa ospital dahil sa tama ng bala ng baril. Nasam sam sa mga suspek ang hindi pa mabatid na gramo ng shabu at mga bala ang Armalite rifle. Boy Cruz