1,000 pamilya nabiyayaan ng running water

OLONGAPO CITY , Philippines  — Matapos ang 30 taong pag­durusa ng mga residente dahil sa kawalan ng tubig, nabigyan ng libreng running water system ang 1,000 pa­milya sa Dumlao, Skipper at Abra Street sa mga Brgy. Barretto at Ka­lak­lan Ridge noong Sa­bado ng hapon.

Sa madamdaming sere­monya, binuksan nina Lakas-Kampi mayoralty bet Vicente “Vic” Magsaysay at Con­gresswoman Mitos Mag­saysay ang linya ng water system sa nabanggit na lugar kung saan kasama ang mga residente at ang buong Team Magsaysay kabilang na sina ex-Vice Mayor Rolen Paulino, Lugie Lipumano, Ghie Baloy, Carlos Morales, Dick Linda­yag, Gina Phrohorrov, Igan Fon­seca, Linus Bacay, Lyn Reyes, Atty, Noel Atienza at Jess Danugrao.

“Nagulat ako na may mga lugar pa sa Olongapo na wa­lang running water system. Ma­higit 30-years na silang nag­ti­tiis na walang tubig kaya sabi ko sa kanila, I will do it, ibi­ni­lin ko sa mga engineer ko, do it in one week dahil thirty years na silang naghihintay,” pahayag ni Magsaysay.

Mula sa bukal sa bundok, nilagyan si Magsaysay ng 8.5 kilometrong polyvinyl chloride (PVC) pipes, mga water tank at water station para tumawid sa dalawang barangay pa­tungo sa Dumlao, Skipper areas­ at sa Alba Street.

“Ngayon, mayroon na ka­yong libreng tubig. Sana ay inga­tan ninyo ang project natin,” bilin ni Rep. Mitos Magsaysay.

Sinasabing dahil sa kawa­lan ng aksyon ng Subicwater at lokal na pamahalaan ng Olongapo City na mabigyan ng water system ay nagba­bayad ang mga residente sa nabang­git na lugar ng ha­lagang P100 kada dram ng tubig sa mga delivery truck. Alex Galang