BULACAN - Habambuhay na pagkabilanggo ang hatol ng mababang korte laban sa tatlo sa limang kalalakihan na napatunayang nagnakaw ng traysikel at pumatay sa drayber nito noong Setyembre 15, 2006 sa San Jose Del Monte City, Bulacan.
Sa 3-pahinang desisyon ni Judge Roando Bulan ng Malolos City Regional Trial Court Branch 77, inatasan ang provincial jail na ilipat sa New Bilibid Prisons ang mga akusadong sina Bonifacio Dela Cruz, Sherwin Castro at Dennis Nabre habang pinalaya naman ang isa [pang akusado na si Sherwin Mendoza dahil sa kakulangan ng ebidensya.
Nakakalaya pa ang isang akusadong si Marcelo Alcantara na nagpalabas na ng alias warrant of arrest ang korte.
Hindi naman pinagbabayad ng danyos perwisyong ang tatlo na responsable sa pagpatay sa biktimang si Webster Toledo at pagnanakaw ng kanyang traysikel na may plakang PO1319. Boy Cruz