BULACAN, Philippines — Dalawa-katao na isinasangkot sa serye ng nakawan ng motorsiklo ang naaresto sa isinagawang magkahiwalay na operasyon ng pulisya kamakalawa ng gabi sa Bulacan. Pormal na kinasuhan ng pulisya ang mga suspek na sina Ruel Colar, 29, ng Rancho Bawang, Area B, Sapang Palay; at Lawrence Sayo, 29, ng Area H, Brgy. San Rafael, San Jose Del Monte City, Bulacan. Base sa police report, ang dalawa ay nakumpiskahan ng tatlong nakaw na motorsiklo kung saan naunang naaresto si Colar sa bahagi ng Barangay Buenavista sa bayan ng Sta. Maria, Bulacan. Samantalang si Sayo ay nadakma sa Barangay Kaypian sa San Jose Del Monte City. Nasamsam sa mga suspek ang isang replica ng cal. 9mm na ginagamit sa kanilang modus operandi. Boy Cruz