12 private army sa Masbate natukoy

MANILA, Philippines - Umaabot sa 12 ang bi­lang ng private armies o private armed group ang natu­koy ng Philippine National Po­lice sa Masbate kaugnay ng misyong supilin ang anu­mang kara­hasan sa darating na pam­bansa at lokal na ha­lalan sa Mayo ng taong ito.

Ito’y matapos ang isina­ga­wang security assessment ni PNP Chief Director General Jesus Verzosa sa la­lawigan.

Kabilang sa naturang mga grupo ay ang mga private ar­mies na kontrolado ng mga grupong naghahari sa lugar kasama na ang mga rebel­deng New People’s Army na nangingikil ng Permit to Campaign fees sa mga kandidato.

Ang Masbate ay kabilang sa mga idineklarang hotspot sa pagdaraos ng halalan na isinailalim sa kontrol ng Comelec.

Sa tala ng PNP, ang Mas­bate ay ikalawa sa nakapag­tala ng Election Related Violence at pangalawa sa Autonomous Region in Muslim Mindanao sa nakaraang mga halalan. Joy Cantos