Dahil sa maagang El Niño: Power shortage sa Luzon nakaamba

BAYOMBONG, Nueva Vizcaya , Philippines  — Pinangangam­ba­han sa ngayon ang po­sibleng pagkakaroon ng power shortage o kaka­pusan sa kuryente sa bu­ong Luzon sa mga darating na buwan dahil sa ma­agang epekto ng El Niño na sanhi ng patuloy na pag­baba ng water level sa Magat Hydroelectric Power Plant na nakabase sa Ra­mon, Isabela.

Ayon sa SN Aboitiz na nangangasiwa sa electric power ng Magat dam, ma­ari umanong matigil ang ka­nilang operasyon kung patuloy ang pagbaba ng tubig ng dam.

Sa kasalukuyan ay nasa 172 meters na ang lebel ng tubig sa Magat Dam kum­para sa 180-meters na pi­nakamababang naitala noong 2009 kaya, kung walang aasahang ulan sa mga susunod na mga araw, posibleng ihinto ng SN Aboitiz ang kanilang ope­rasyon.

Nilinaw naman ni Mike Hosillos, pinuno ng SN Aboitiz Power communication na, kung sakaling aabot sa 160 meters ang sukat ng tubig at pansa­mantala nilang itigil ang kanilang operasyon, may mga iba namang maaring alternatibo na mapag­kukunan ng elektrisidad.

Bukod sa Magat Dam, ang iba pang hydroelectric power plants sa Luzon na nagbibigay ng elektrisidad ay ang San Roque Dam ng Pangasinan; Binga Dam ng Ben­guet; Angat Dam ng Bu­lacan at ang Panta­ba­ngan Dam ng Nue­ va Ecija.

Ang Magat Dam ang ikalawang pinakamalaking power contributor na may 350 megawatts sa buong Luzon kung saan ang pa­tubig na nagmumula rito ay pinapakinabangan ng ma­higit sa 80,000 hectares na sakahan sa Isabela, Qui­rino at Cagayan.