Mag-asawang trader itinumba

BATANGAS CITY , Philippines  — Pi­­naniniwalaang hindi na­ipatupad ng maayos ang gun ban ng Commission On Election (Comelec) sa lalawigan ng Batangas, kung saan napatay ang mag-asawang negosyante ng motorcycle-riding gunmen sa bayan ng San Pas­cual kahapon ng umaga.

Napuruhan sa iba’t-ibang bahagi ng katawan ang mag-asawang sina Eupronio Cordero, 69; at Tarcela Caraan-Cordero, 83, may-ari ng grocery store sa bayan ng Bauan at residente ng Barangay Palsahingin, sa bayan ng San Pascual, Batangas.

Sa ulat na nakarating kay P/Senior Supt. Alberto Supapo, patungo sana ng kanilang grocery ang mag-asawang sakay ng Toyota Tamaraw (PCR-991) nang ratratin ng maskaradong lalaki na lulan ng motorsiklo na may ilang metro ang layo sa kanilang bahay ban­dang alas-5:30 ng umaga

Dead-on-the-spot si Eufronio samantalang na­matay naman si Tarcela ha­bang ginagamot sa Bejasa Hospital sa Bauan, Ba­tangas.

Sinisilip ng mga imbesti­gador ng pulisya ang ang­gulong land dispute at business rivalry na sinasabing motibo ng pamamaslang. Arnell Ozaeta