Audio recording, 2 celpon

MANILA, Philippines - Isa sa 57 biktima ng Ma­guindanao massacre ang nagawa ang sikretong audio recording noong Nob­yembre 23 na nagtu­turo kay Datu Unsay Mayor Andal Ampatuan Jr. na nag-utos sa karumaldumal na krimen.

Ito ang nabatid kahapon kay Task Force Alpha Commander P/Chief Supt. Fe­licisimo Khu kung saan hawak ng pamilya Mangu­dadatu at kabilang sa mga ebidensya na ipinaturn-over sa mga imbestigador.

Nabatid na itinago ang nasabing audio recording sa medyas ng isa sa pa­milya Mangudadatu na ini-on matapos na umalis ang convoy.

Samantala, dalawa pang celpon ng mga bik­tima na narekober sa crime scene ang naglalaman ng mga text messages na malaki ang maitutulong sa imbestigasyon ang nasa kustodya na ng PNP Criminal Investigation Group sa Region 12.

Backhoe operator hawak na ng PNP

Hawak na ng mga aw­toridad ang isa sa tatlong backhoe operator na ina­ta­sang maghukay na ga­ ga­mitin sa Maguin­danao mas­sacre.

Gayon pa man, tumang­gi muna si Khu na tukuyin ang pagkakakilanlan ng operator habang patuloy ang pagtugis sa iba pa nitong kasamahan.

Sa inisyal na intero­gasyon, inamin ng backhoe operator na pinaghukay sila sa Brgy. Salman simula noong Nobyembre 18 hang­gang 22 kung saan ay bu­maba sila muli bago kumalat ang dilim.

Napag-alamang 30-mi­nuto bago ang masaker ay muling pinapunta ang tat­long backhoe operator sa inihandang mass grave noong Nobyembre 23 kung saan hindi nila alam kung para saan ang malalim na hukay na iniutos sa kanila.

Saka lamang nila na­pag­tanto na may inihanda pa lang killing fields laban sa mga biktima ng Maguin­da­nao massacre. Nina Doris Franche, Joy Cantos AT Artemio Dumlao